Vegna óviðráðanlegra orsaka verður sýningin Börn í 100 ár ekki opin sunnudaginn 25.maí eins og auglýst var. Sýningin er enn í vinnslu og opnar fyrir almenning laugardaginn 7.júní.
Biðjumst velvirðingar ef þetta veldur einhverjum ónæði.
Þessar ungu stúlkur voru í hópi barna úr Lindaskóla í Kópavogi sem var á ferð um Borgarfjörð og heimsóttu m.a. Safnahúsið.
Nokkrir nemendur í myndmennt úr Grunnskólanum í Borgarnesi komu ásamt kennara sínum til að skoða málverkasýningu Guðmundar Sigurðssonar fyrrverandi skólastjóra. Sýningunni, sem ber nafnið „Finndu mig í fjöru“ lýkur 4. júní.
Guðmundur Sigurðsson opnar sína 13.einkasýningu í Safnahúsi Borgarfjarðar þann 17.maí kl. 14:00. Allir velkomnir
Sýningin verður opin alla virka daga frá 13:00-18:00 og þriðjudaga og fimmtudaga til 20:00. Sýningin stendur yfir til 4. júní.
 |
Michail Sikorski Konsúll við hlið bókagjafarinnar. |
Birt með góðfúslegu leyfi höfundar.
Ástarljóð
Mig langar að semja ástarljóð eitt
sem að eilífu lifir í hjarta
og ekki freistar mín annað neitt
en að yrkja til landsins míns bjarta.
Það lýsir með regnboga leiðan dag
svo ljómi af himinsins boga.
Aldrei mun hverfa hið eilífa lag
sem Íslandsins tendraði loga.
Þú, Ísafold, skapaðir eld minn og sál
og allt sem ég dái og er.
Þú veittir mér ljóð og þú veittir mér mál
og visku sem aldregi þver.
Ó, Frón, þú ert allt sem fallegast er,
um fjöll þín mig ávallt mun dreyma.
Minn anda og dug ég eftirlæt þér.
Ég ann þér, því hér á ég heima.
Vorkyrrð
hvítur himinn kyrrðar
hvíslar haf
fjallsins tvífari
fyllir hug
rofin aðeins ró
rjómahvítum fjarska
líf í báru blá
bærir ljós
 |
|
Elín Elísabet með verðlaun sín. |
Sumardagurinn fyrsti er hátíðisdagur í hugum flestra og ekki síst barnanna. Safnahús Borgarfjarðar helgar börnum næstu sýningu sína sem opnar í maí. Hún nefnist „Börn í hundrað ár“ og verður þar fjallað um börn og umhverfi þeirra á myndrænan og nýstálegan hátt. Viljum við hvetja sem flesta að koma og upplifa sýninguna sem verður opin frá kl. 13-18 alla daga í sumar.
Ljósmyndasafn Akraness og Héraðsskjalasafn Borgarfjarðar hafa gert með sér samstarfssamning um gagnkvæm afnot af ljósmyndum vegna verkefna vorið 2008. Um er að ræða um gagnkvæm gjaldfrjáls afnot safnanna af ljósmyndum vegna sýninganna „Hernámið“ sem verður á Akranesi og „Börn í 100 ár“ sem verður í Borgarnesi.
Það er ekki úr vegi að birta svolítið meira af kveðskap Þorsteins frá Hamri í tilefni af áðurnefndum tímamótum. Þá má einnig minna á kynninguna ,, Bíðið meðan hann syngur" í Safnahúsinu sem mun standa næstu vikurnar. Ljóðið sem nú verður birt er minningarljóð um annað borgfirskt skáld, Guðmund Böðvarsson frá Kirkjubóli í Hvítársíðu. Þetta ljóð Þorsteins birtist í ljóðabókinni Fiðrið úr sæng daladrottningar sem út kom 1977 þremur árum eftir andlát Guðmundar, en er hér tekið úr ritsafni Þorsteins sem út kom 1998.
Í tilefni af sjötugsafmæli Þorsteins frá Hamri birtist hér eitt af hans fallegustu ljóðum, ljóðið Kveðja. Það er að finna í fyrstu ljóðabók hans Í svörtum kufli en er hér tekið úr ritsafni Þorsteins útgefnu árið 1998.
Kveðja
Haustkul af norðri brottu ber
blómkrónu dána. Lát það hvísla
örlagaspám í eyru þér.
Er skarður máni í skýjum fer
er skjól okkar þessi hrísla.
Ég er á leið til ljóðvakans
ljósu stranda. Mér dísir sungu:
Á vetrarkvöldi þú kemst til lands;
langsótt er hafið, en leikur hans
er lífsgjafi þinnar tungu.
Barrkrónan skelfur særð og sjúk
er svalinn slær hana fastar og tíðar.
Stormurinn ber þér frost og fjúk.
En mjöllin sem kemur köld og mjúk
ber kvæði mitt til þín síðar.