Ríflega hundrað manns komu í Safnahús s.l. laugardag þegar sýning um Bjarna Helgason á Laugalandi var opnuð. Við það tækifæri var þessi mynd tekin, en á henni eru öll börn Bjarna og Leu Kristínar konu hans, ásamt Julíönu föðursystur sinni. Frá vinstri: Steinunn, Þórhallur, Júlíana, Helgi og Sigrún.
Með þess sem sjá má á sýningunni er ljósmyndabúnaður Bjarna í gegnum tíðina auk persónulegra muna úr lífi hans. Ennfremur má sjá ljósmyndir úr myndasafni hans sem fjölskylda hans hefur gefið skjalasafninu. Sýningin um Bjarna er í anddyri bókasafns og stendur fram í nóvember. Hún er opin á virkum dögum 13.00 - 18.00; aðgangur er ókeypis.