Safnahúsið

Safnahús Borgarfjarðar er safnaklasi fimm safna þar sem tvinnað er saman faglegu starfi og sköpunarkrafti. Nýjar aðferðir eru nýttar til miðlunar á grundvelli frumkvæðis, virkni og samvinnu.

Stofnunin er staðsett í Borgarnesi. Hún er leitandi og opin í starfi sínu og vinnur náið með samfélaginu á starfssvæði sínu sem nær frá rótum Snæfellsness til Hvalfjarðar.

Safnahús er í eigu Borgarbyggðar en þjónar einnig Skorradalshreppi og Hvalfjarðarsveit með þjónustusamningum. 

Söfnin fimm í húsinu eiga sér öll langa sögu. Þau vinna náið saman að því markmiði að þjóna samfélaginu sem best.

Auk fjölda skammtímasýninga eru tvær grunnsýningar í húsinu, Börn í 100 ár og Ævintýri fuglanna. Þær draga þúsundir gesta að árlega og eru hannaðar með það í huga að nýtast í safnkennslu. 

Byggðasafn Borgarfjarðar, Héraðsbókasafn Borgarfjarðar, Héraðsskjalasafn  Borgarfjarðar, Listasafn Borgarness og Náttúrugripasafn Borgarfjarðar.