Núverandi sýning

Á alþjóðlega safnadaginn 18. maí 2019 var opnuð sýning úr safnkosti Listasafns Borgarness sem byggir á stórgjöf listvinarins Hallsteins Sveinssonar (1903-1995). Sýningin ber heitið HVAR-HVER-HVERJAR. Sýningarstjóri er Helena Guttormsdóttir myndlistarmaður og lektor við Landbúnaðarháskóla Íslands. Sýningin stendur fram til loka september og á henni eru 42 verk eftir 29 höfunda:

Ágúst F. Petersen 
Ásgerður Búadóttir
Áshildur Sveinsdóttir
Ásmundur Sveinsson
Birta Rán Björgvinsdóttir 
Björg Þorsteinsdóttir 
Bragi Ásgeirsson 
Erró 
Eyborg Guðmundsdóttir
Gerður Helgadóttir 
Guðmunda Andrésdóttir
Gunnar I. Guðjónsson 
Hallsteinn Sveinsson 
Jóhanna Bogadóttir 
Jóhanna Sveinsdóttir  
Jóhannes Jóhannesson 
Júlíana Sveinsdóttir 
Júlíus Axelsson 
Kristján Davíðsson 
Kristján Friðriksson 
Nína Tryggvadóttir  
Ólöf Erla Bjarnadóttir 
Páll Guðmundsson 
Ragnar Kjartansson 
Ragnheiður Jónsdóttir 
Sigríður Björnsdóttir 
Þorbjörg Höskuldsdóttir 
Þorfinnur Sigurgeirsson
Þorgerður Sveinsdóttir 

Hallsteinn Sveinsson gaf mikið og verðmætt listaverkasafn sitt til Borgnesinga árið 1971 og bætti all nokkru við þá gjöf síðar. Sérstaða þess er myndlist frá árinum 1940-1960 eftir marga þekkta listamenn þjóðarinnar og eru verkin í römmum smíðuðum af Hallsteini. Í dag starfar safnið í minningu og samkvæmt hugsjónum hans um veigamikið hlutverk listarinnar í þágu samfélagsins. 

Sýningin er opin virka daga 13-18, en þess utan er aðgangur að henni sameiginlegur með grunnsýningum hússins, um allar helgar og á hátíðisdögum 13-17. Vetraropnunartími er frá 1. september, sjá opnunartíma hér annars staðar á síðunni.